Friday, November 20, 2026 05:01 PM
Friday, November 20, 2026 05:01 PM

కాలుష్యానికి కారకులెవరు..?

కేంద్ర మంత్రి నితిన్ గడ్కరీ చాలా ఓపెన్‌గా ఉంటారు. ఉన్న విషయాలను ఆయన చెబుతూ ఏదైనా పొరపాటు జరిగింది అనిపిస్తే తప్పు ఒప్పుకుంటారు. ఆయన పార్లమెంట్‌లో మాట్లాడుతూ.. రోడ్డు ప్రమాదాలను తగ్గించడంలో ఆశించిన ఫలితాలు రాకపోవడం పట్ల తీవ్ర ఆవేదన వ్యక్తం చేశారు. అంతర్జాతీయ సదస్సుల్లో ఈ అంశం చర్చకు వచ్చినప్పుడు ఇబ్బంది పడాల్సి వస్తోందని కూడా నిండు సభలో నిజాయితీగా అంగీకరించారు. ఇపుడు అదే నితిన్ గడ్కరీ మరో అడుగు ముందుకేసి దేశంలో పెరుగుతున్న వాయు కాలుష్యానికి తానే బాధ్యుడిని అంటూ బోల్డ్ స్టేట్‌మెంట్ ఇచ్చేశారు. ఎందుకంటే దేశంలో 40 శాతం మేర రవాణా రంగమే వాయు కాలుష్యానికి కారణమని ఆయన అభిప్రాయపడ్డారు.

Also Read : పులివెందులలో తీవ్ర ఉద్రిక్తత.. కడప ఎంపీ వైఎస్ అవినాష్‌రెడ్డి అరెస్ట్..!

ఇదే సందర్భంలో గడ్కరీ మరో మాట అన్నారు. పెరుగుతున్న వాయు కాలుష్యాన్ని అరికట్టేందుకు ప్రత్యామ్నాయ మార్గాలను అన్వేషించాలని సూచించారు. తాజాగా ఢిల్లీలో జరిగిన 14వ సీఐఐ బయో ఎనర్జీ సదస్సులో గడ్కరీ కీలక వ్యాఖ్యలు చేశారు. దేశవ్యాప్తంగా అత్యాధునిక రహదారుల నిర్మాణం జరుగుతోందని గుర్తు చేశారు. దాని ఫలితంగా వాహనాల సంఖ్య పెరిగిపోతోందని.. అది కాస్తా వాయు కాలుష్యానికి దారి తీస్తోందని ఆందోళన వ్యక్తం చేశారు. అలా తాను రవాణా శాఖ మంత్రిగా దేశంలో నెలకొన్న 40 శాతం వాయు కాలుష్యానికి స్వయంగా బాధ్యత వహిస్తున్నా అంటూ సంచలన వ్యాఖ్యలు చేశారు గడ్కరీ.

Also Read : బ్రేకింగ్: ఎమ్మెల్యే పదవికి ఆది నారాయణరెడ్డి రాజీనామా..?

తన పదవీ కాలంలో ఆటోమొబైల్ పరిశ్రమ విలువ 14 లక్షల కోట్ల రూపాయల నుంచి 22 లక్షల కోట్ల రూపాయలకు చేరిందని గడ్కరీ చెప్పారు. ఈ విషయంలో జపాన్‌ను వెనక్కి నెట్టి భారత్ ప్రపంచంలోనే మూడో అతిపెద్ద ఆటోమొబైల్ మార్కెట్‌గా అవతరించిందని గుర్తుచేశారు. ప్రపంచంలోనే భారత్ ఈ రోజున అతి పెద్ద చమురు దిగుమతిదారుగా ఉందని గడ్కరీ పేర్కొనడం విశేషం. దేశం తన అవసరాల కోసం 87 శాతం మేర దిగుమతులపైనే ఆధారపడుతుందని అన్నారు. ఈ పరిస్థితి మారాలంటే దిగుమతులను తగ్గించాలని.. దాని వల్ల కాలుష్యాన్ని కూడా నియంత్రించవచ్చునని అన్నారు. అలాగే ఇథనాల్, బయోగ్యాస్, హైడ్రోజన్ వంటి ప్రత్యామ్నాయ ఇంధనాలపై పెట్టుబడులు పెంచడం అనివార్యమని గడ్కరీ చెప్పుకొచ్చారు.

Also Read : 35 ఏళ్ల తర్వాత కశ్మీర్‌లో సంచలనం.. అమిత్ షా కీలక ప్రకటన..!

మరో వైపు చూస్తే దేశంలో ఎలక్ట్రిక్ వాహనాలకు భారీ డిమాండ్ ఉన్నప్పటికీ ప్రస్తుతం 1.50 లక్షల ఎలక్ట్రిక్ బస్సుల అవసరం ఉంటే ఉత్పత్తి సామర్థ్యం కేవలం ఏడు వేలు మాత్రమే ఉందని గడ్కరీ వెల్లడించారు. అదే విధంగా వ్యవసాయ వ్యర్థాలను కాల్చి వేయకుండా వాటిని బయో ఎనర్జీగా మార్చడం ద్వారా కాలుష్యాన్ని గణనీయంగా తగ్గించవచ్చని, అందుకే కేంద్రం గోబర్ ధన్ యోజన కింద దేశవ్యాప్తంగా సుమారు 3,000 బయో ఎనర్జీ ప్లాంట్లను ఏర్పాటు చేస్తున్నట్లు గడ్కరీ చెప్పారు.

సంబంధిత కథనాలు

- Advertisement -spot_img

తాజా కథనాలు

పేదింటి దళిత బిడ్డకు...

ఎన్టీఆర్ జిల్లా తొలి జిల్లా పరిషత్...

పులివెందులలో తీవ్ర ఉద్రిక్తత.....

వైఎస్సార్ కడప జిల్లా పులివెందుల నియోజకవర్గంలో...

బ్రేకింగ్: ఎమ్మెల్యే పదవికి...

వైఎస్సార్ కడప జిల్లా పరిషత్ ఛైర్మన్...

తల్లయిన సమంత.. ముద్దుల...

టాలీవుడ్ స్టార్ హీరోయిన్ సమంత రూత్...

జాతీయ స్థాయిలో కాంగ్రెస్...

వచ్చే 2029 లోక్‌సభ ఎన్నికలే ప్రధాన...

సర్పంచ్ పదవులకు బేరాలు..?

సర్పంచ్ పదవులకు ఎమ్మెల్యే లే బేరసారాలు...

పోల్స్