జాన్వాడ ఫాం హౌస్ లో జరిగిన ఓ పార్టీ విషయంలో ఇప్పుడు తెలంగాణాతో పాటుగా ఏపీ ప్రజలు బీఆర్ఎస్ వర్కింగ్ ప్రెసిడెంట్ కేటిఆర్ ను అనుమానాలతో చూడటం మొదలుపెట్టారు. గతంలో కేటిఆర్ పై వచ్చిన ఆరోపణలే ఇందుకు కారణం. పార్టీ జరిగిన తీరు, ఆ తర్వాత బీఆర్ఎస్ చేసిన హడావుడితో అనుమానాలు ఇంకా బలపడ్డాయి అనే కామెంట్ వినపడింది. తప్పు చేయకపోతే పోలీసులను అనుమతించాలి. సోదాలు చేసుకోవడానికి గాని ఎవరిని అయినా అదుపులోకి తీసుకోవడానికి గాని అడ్డు తగలకూడదు.
ఉదయం నుంచి అంత రచ్చ జరుగుతోంటే కేటిఆర్ ఎప్పుడో రాత్రికి మీడియా సమావేశం ఏర్పాటు చేసారు. కేటిఆర్ కంటే తలసాని ముందు మీడియా సమావేశం ఏర్పాటు చేసి… దమ్ముంటే కేటిఆర్ ను అరెస్ట్ చేయాలని సవాల్ చేసారు. ఆ తర్వాత సాయంత్రానికి మీడియా సమావేశం ఏర్పాటు చేసిన కేటిఆర్… చెప్పాల్సిన సమాధానాలు చెప్పలేదనే అనుమానాలు వ్యక్తమయ్యాయి. ఫ్యామిలీ పార్టీ అని మీరు చెప్తున్నారు సరే… ఆ పార్టీలో మీరు ఎందుకు లేరు, ఇన్ని ఆరోపణలు వస్తుంటే మీరు సిసిటీవీ ఫుటేజ్ ఎందుకు విడుదల చేయలేదు..
అంటే కేటిఆర్ నుంచి సమాధానం లేక సీరియస్ అయ్యారు. ఇక్కడ కేటిఆర్ ప్రభుత్వాన్ని పోలీసులకు సవాల్ చేయాల్సి కూడా ఉంటుంది. కాని అదేం జరగలేదు… దమ్ముంటే నాకు డ్రగ్స్ టెస్ట్ చేసుకోండి అని సవాల్ చేయాలి… దమ్ముంటే సీసీటీవీ ఫుటేజ్ ప్రజలకు చూపించండి అని సవాల్ చేయాలి… విజయ్ మద్దూరి అక్కడ అసలు డ్రగ్స్ తీసుకోలేదు… అతనికి మాకు సంబంధం లేదని చెప్పాలి… తన కుటుంబ సభ్యులు ఆ పార్టీలో ఉన్నారని ప్రూవ్ చేయాలనీ సవాల్ చేయాలి… ఇవేమీ కేటిఆర్ చేయలేదు. అటు సోషల్ మీడియాలో కూడా కేటిఆర్ నుంచి ఆశించిన స్థాయిలో స్పందన కరువైంది.