ఐకాన్ స్టార్ అల్లు అర్జున్ ఇప్పుడు మంచి ఊపు మీద ఉన్నాడు. పుష్ప2 సినిమా గ్రాండ్ సక్సెస్ కావడంతో అల్లు అర్జున్ తర్వాతి ప్రాజెక్టులపై సీరియస్ గానే దృష్టి సారించాడు. ఈ క్రమంలో మాటలు మాంత్రికుడు త్రివిక్రమ్ శ్రీనివాస్ సినిమా విషయంలో ఎటువంటి నిర్ణయం తీసుకుంటాడనే దానిపై అందరూ ఆసక్తిగా ఎదురుచూస్తున్నారు. వాస్తవానికి ఈ సినిమా షూటింగ్ నవంబర్ నుంచి మొదలవుతుందని… ఆగస్టు సమయానికి పుష్ప సినిమా షూటింగ్ పూర్తి అవుతుందని గతంలో భావించారు.
Also Read : ఆకట్టుకుంటున్న రానా దగ్గుబాటి షో.. అక్కినేని, దగ్గుబాటి కిడ్స్ సందడి
కానీ పుష్ప 2 సినిమా షూటింగ్ క్రమంగా వాయిదా పడటంతో త్రివిక్రమ్ శ్రీనివాస్ తో సినిమాపై క్లారిటీ రాలేదు. అయితే ఇప్పుడు పుష్ప 2 సినిమా సూపర్ హిట్ కావడంతో అల్లు అర్జున్ ప్రస్తుతం రెస్ట్ మోడ్ లో ఉన్నాడు. సితార ఎంటర్టైన్మెంట్ అధినేత సూర్యదేవర నాగవంశీ 2025 జనవరి నుంచి త్రివిక్రమ్ కాంబినేషన్లో అల్లు అర్జున్ సినిమా మొదలవుతుందని ఓ ప్రకటన కూడా చేశారు. ఇప్పుడు దానిపైనే అల్లు అర్జున్ ఫోకస్ పెట్టినట్టుగా తెలుస్తోంది. జనవరిలో ఈ సినిమా మొదలుపెట్టి వచ్చే ఏడాది చివరికి పూర్తి చేసి 2026 సంక్రాంతికి విడుదల చేసే విధంగా ప్లాన్ చేస్తున్నట్టు సమాచారం.
Also Read : వెయ్యి కోట్లు దోచిన పిన్నెల్లి… ఆధారాలు బయటకు
గతంలో వీరి కాంబినేషన్లో వచ్చిన జులాయి, సన్ ఆఫ్ సత్యమూర్తి, అల వైకుంఠపురములో సినిమాలు సూపర్ హిట్ కావడంతో ఈ సినిమాపై భారీ అంచనాలే ఉన్నాయి. మొదటిసారి త్రివిక్రమ్ పాన్ ఇండియా లెవెల్ లో సినిమా చేయనున్నాడు. భారీ బడ్జెట్ తోనే ఈ మూవీ ప్లాన్ చేసారు మేకర్స్. జనవరిలో ఒక వీడియో రిలీజ్ చేసి అక్కడి నుంచి సినిమా షూటింగ్ స్పీడ్ ను పెంచాలని… వేసవి వచ్చే సమయానికి ఇండియాలో షూట్ ఫినిష్ చేయాలని ప్లాన్ చేస్తున్నారట.