Monday, November 16, 2026 06:15 AM
Monday, November 16, 2026 06:15 AM

నారా లోకేష్ ధైర్యానికి ఫిదా అయిన రాజ్‌దీప్ సర్దేశాయ్..!

ఆంధ్రప్రదేశ్ ఐటీ, విద్యాశాఖ మంత్రి నారా లోకేష్‌పై దేశంలోనే అత్యంత సీనియర్, ప్రముఖ జర్నలిస్ట్ రాజ్‌దీప్ సర్దేశాయ్ ప్రశంసల వర్షం కురిపించారు. కొచ్చిలో జరిగిన ఇండియా టుడే సౌత్ కాంక్లేవ్‌లో లోకేష్‌ను ఇంటర్వ్యూ చేసిన అనంతరం, రాజ్‌దీప్ తన అధికారిక సోషల్ మీడియా వేదికగా లోకేష్ రాజకీయ పరిణతిని, ధైర్యాన్ని అభినందిస్తూ సంచలన వ్యాఖ్యలు చేశారు. ప్రస్తుత రోజుల్లో ముందస్తు స్క్రిప్ట్‌లు, ఈజీ పిచ్‌లు ఆశించే నేతల మధ్య లోకేష్ ఒక అరుదైన మినహాయింపుగా నిలిచారని ఆయన స్పష్టం చేశారు.

Also Read : ఏపీ స్థానిక ఎన్నికల రిజర్వేషన్లపై హైకోర్టు సంచలన తీర్పు..!

“ఒక రాజకీయ నాయకుడు ఇంటర్వ్యూకి వచ్చే ముందు ప్రశ్నలను అడ్వాన్స్‌గా అడగకుండా, ఏ అంశంపైనైనా మాట్లాడటానికి సిద్ధంగా ఉన్నప్పుడు జర్నలిస్టులకు పని చాలా సులువవుతుంది” అని రాజ్‌దీప్ సర్దేశాయ్ పేర్కొన్నారు. ఒకప్పుడు రాజకీయాల్లో ఇంటర్వ్యూల దరఖాస్తు ఇలాగే ఉండేదని, కానీ దురదృష్టవశాత్తూ ఇప్పుడు ముందే ప్రశ్నలు అడిగి తెలుసుకోవడం ఒక సంప్రదాయంగా మారిందని ఆవేదన వ్యక్తం చేశారు. ఈ విషయంలో లోకేష్‌ను చూసి దేశంలోని ఇతర నాయకులంతా ఖచ్చితంగా నేర్చుకోవాలని ఆయన సూచించారు.

Also Read : ఆ పిల్లాడి బాధ్యత నాది.. లోకేష్ కీలక ప్రకటన..!

తాను సంధించిన అత్యంత కఠినమైన ప్రశ్నలకు కూడా లోకేష్ ఏమాత్రం తడబడకుండా, చాలా సూటిగా మరియు కుండబద్దలు కొట్టినట్లు సమాధానాలు ఇచ్చారని రాజ్‌దీప్ ప్రశంసించారు. ఈ ఇంటర్వ్యూ ముగిసిన తర్వాత మంత్రి నారా లోకేష్ కూడా సోషల్ మీడియాలో స్పందిస్తూ.. “బిజినెస్‌లోనే అత్యంత కఠినమైన జర్నలిస్టులలో ఒకరైన రాజ్‌దీప్ సర్దేశాయ్ నుండి ఎలాంటి స్క్రిప్ట్‌లు, ఈజీ పిచ్‌లు లేకుండా కఠినమైన ప్రశ్నలు ఎదుర్కొన్నాను” అని తెలిపారు. ఈ సదస్సులో ఆంధ్రప్రదేశ్ పునర్నిర్మాణం, రాష్ట్ర పారిశ్రామిక, ఐటీ అభివృద్ధి వ్యూహాలతో పాటు, దేశ రాజకీయాలు, సుపరిపాలన మరియు భవిష్యత్తు ప్రణాళికలపై చాలా స్పష్టమైన పంథాలో చర్చ సాగిందని లోకేష్ పేర్కొన్నారు. జాతీయ స్థాయి కాంక్లేవ్‌లో ఒక సీనియర్ జర్నలిస్ట్ చేత ఏపీ మంత్రి ఇంతటి ప్రశంసలు అందుకోవడం ఇప్పుడు రెండు రాష్ట్రాల రాజకీయ వర్గాల్లో హాట్ టాపిక్‌గా మారింది.

సంబంధిత కథనాలు

- Advertisement -spot_img

తాజా కథనాలు

ఎల్‌నినో ముప్పు.. WHO...

ఎల్‌నినో ప్రభావంతో ప్రజారోగ్య ముప్పు అధికంగా...

దిల్ రాజు పై...

యశ్ నటించిన ‘టాక్సిక్’ తెలుగు విడుదల...

తారక్ టైమింగ్‌కు అనిల్...

‘ఇది ఖచ్చితంగా నవ్వుల జాతర కాబోతోంది’...

వెండితెర పై చెరగని...

తెలుగు సినీ పరిశ్రమలో విలక్షణ నటుడిగా...

సాక్షి ఛానల్ కు...

రాజధాని అమరావతి భూముల వ్యవహారంలో అసత్య...

జగన్ చెప్పినా వినను.....

ఏపీ రాజకీయాల్లో తనదైన శైలిలో వ్యవహరించే...

పోల్స్