ప్రస్తుత ఆధునిక కాలంలో మారుతున్న జీవనశైలి, ఆహారపు అలవాట్ల కారణంగా పది మంది మహిళల్లో కనీసం ఒకరు పీసీఓఎస్ సమస్యతో బాధపడుతున్నారు. ఈ రుగ్మత కేవలం హార్మోన్ల సమతుల్యతను దెబ్బతీయడమే కాకుండా, శరీర జీవక్రియలను కూడా తీవ్రంగా ప్రభావితం చేస్తుంది. అందుకే వైద్య నిపుణులు ఇప్పుడు దీనిని పీఎమ్‌ఓఎస్ గా పిలుస్తున్నారు. దీనివల్ల క్రమం లేని పీరియడ్స్, మొటిమలు, ముఖంపై అనవసరమైన జుట్టు రావడం, వేగంగా బరువు పెరగడం మరియు సంతానలేమి వంటి తీవ్రమైన ఆరోగ్య సమస్యలు తలెత్తుతాయి.
Also Read : Poll : బొత్స మేనల్లుడు చిన్న శ్రీను చేరికతో టిడిపి కి లాభమా లేక నష్టమా?
అయితే, సరైన వైద్యుల పర్యవేక్షణతో పాటు రోజువారీ డైట్, క్రమబద్ధమైన వ్యాయామాల ద్వారా ఈ సమస్యను అదుపులోకి తెచ్చుకోవచ్చని తాజా నివేదికలు స్పష్టం చేస్తున్నాయి. పీసీఓఎస్ లేదా పీఎమ్‌ఓఎస్ నియంత్రణకు బరువులు ఎత్తే వ్యాయామాలు ఒక అద్భుతమైన సాధనంగా మారుతున్నాయి. ఈ తరహా వ్యాయామాలు చేయడం వల్ల శరీరంలోని కండరాలు రక్తంలో ఉన్న గ్లూకోజ్‌ను వేగంగా గ్రహిస్తాయి. దీనివల్ల ఇన్సులిన్ నిరోధకత తగ్గి, బ్లడ్ షుగర్ లెవెల్స్ అదుపులోకి వస్తాయి.
అంతేకాకుండా, ఇది శరీరంలో టెస్టోస్టెరాన్ హార్మోన్ స్థాయిలను తగ్గించి, అండోత్పత్తి ప్రక్రియను క్రమబద్ధీకరించడం ద్వారా సంతానోత్పత్తి సామర్థ్యాన్ని మరియు శక్తి సామర్థ్యాలను గణనీయంగా మెరుగుపరుస్తుంది. ఆహారపు అలవాట్ల విషయానికొస్తే.. ప్రోటీన్లు, ఫైబర్ అధికంగా ఉండే ఆహారపదార్థాలు, తృణధాన్యాలు, తాజా పండ్లు మరియు కూరగాయలను రోజువారీ మెనూలో చేర్చుకోవడం ద్వారా హార్మోన్ల ఉత్పత్తిని క్రమబద్ధీకరించవచ్చు. అదే సమయంలో చక్కెర పానీయాలు, ప్రాసెస్డ్ ఫుడ్స్, మరియు మైదా వంటి రిఫైన్డ్ కార్బోహైడ్రేట్లను పూర్తిగా దూరం పెట్టాల్సి ఉంటుంది.
Also Read : లీప్ యాప్.. టీచర్లకు తలనొప్పులు..!
వైద్యుల మార్గదర్శకత్వంలో ఈ లైఫ్‌స్టైల్ మార్పులను కఠినంగా పాటిస్తే.. కేవలం 2 నుంచి 6 వారాల్లోనే బ్లడ్ షుగర్, ఎనర్జీ లెవెల్స్‌లో సానుకూల మార్పులు కనిపిస్తాయని నిపుణులు చెబుతున్నారు. అలాగే 3 నుంచి 6 నెలల వ్యవధిలో పీరియడ్స్ క్రమబద్ధం కావడం, హార్మోన్ల అసమతుల్యత పూర్తిగా తొలగిపోవడం వంటి శాశ్వత ఫలితాలను ఆశించవచ్చని మెడికల్ జర్నల్స్ నివేదిస్తున్నాయి.
