ఆంధ్రప్రదేశ్‌లో తెలుగుదేశం పార్టీ ప్రతిష్టాత్మకంగా చేపట్టిన ఇంటింటికీ తెలుగుదేశం-2026 కార్యక్రమం సరికొత్త రికార్డులను సృష్టిస్తూ దూసుకుపోతోంది. కేవలం 21 రోజుల్లోనే రాష్ట్రవ్యాప్తంగా 61.61 లక్షల ఇళ్లను టీడీపీ శ్రేణులు సందర్శించి ఒక భారీ మైలురాయిని అధిగమించాయి. ఈ మహత్తర ప్రజా సంకల్ప యాత్రలో భాగంగా కేవలం ఈరోజు ఒక్కరోజే రాష్ట్రవ్యాప్తంగా అదనంగా మరో 2.60 లక్షల కుటుంబాలతో పార్టీ నాయకులు, కార్యకర్తలు నేరుగా మమేకమయ్యారు.
Also Read : కృష్ణా జలాల వాటాపై క్లారిటీ..!
రాష్ట్రంలో అధికారంలోకి వచ్చిన కూటమి ప్రభుత్వం గత రెండేళ్ల కాలంలో అందించిన అద్భుతమైన అభివృద్ధి మరియు సంక్షేమ ఫలాలను ప్రజల ముంగిటకు తీసుకెళ్లడమే లక్ష్యంగా ఈ కార్యక్రమం సాగుతోంది. సీఎం చంద్రబాబు నాయుడు నేతృత్వంలోని ప్రభుత్వం అమలు చేసిన విప్లవాత్మక పథకాలు, మౌలిక సదుపాయాల కల్పన మరియు ప్రజల జీవన ప్రమాణాలను పెంచేందుకు తీసుకున్న నిర్ణయాలను గ్రామ, వార్డు స్థాయిల్లోని ప్రతి ఒక్కరికీ ఈ పర్యటనల ద్వారా వివరిస్తున్నారు.
Also Read : జోగి సీటు చిరిగినట్లేనా.. గేట్ క్లోజ్..!
ప్రజల నుంచి ఈ కార్యక్రమానికి అపూర్వ స్పందన లభిస్తోందని తెలుస్తోంది. క్షేత్రస్థాయికి వెళ్తున్న పార్టీ శ్రేణులు ప్రజల సాధకబాధకాలను తెలుసుకుంటూ, ప్రభుత్వ విజయాలను విస్తృతంగా ప్రచారం చేస్తుండటంతో క్యాడర్‌లో సరికొత్త ఉత్సాహం నెలకొంది. రాబోయే రోజుల్లో ఈ ప్రచారాన్ని మరింత ముమ్మరం చేసి రాష్ట్రంలోని ప్రతి ఒక్క లబ్ధిదారుడిని పలకరించేలా పార్టీ యంత్రాంగం ప్రణాళికలు సిద్ధం చేసింది. ప్రతీ రోజు దాదాపు 3 లక్షలకు పైగా ఇళ్ళకు టీడీపీ కార్యకర్తలు వెళ్ళడం గమనార్హం.