దేశంలో నూతన ఓటర్ల నమోదు ప్రక్రియను మరింత సరళతరం చేస్తూ కేంద్ర ఎన్నికల సంఘం ఒక కీలక నిర్ణయం తీసుకుంది. కొత్తగా ఓటు హక్కు కోసం దరఖాస్తు చేసుకునే పౌరులు సమర్పించే ఆన్‌లైన్ ఫారమ్-6 అప్లికేషన్ల నుండి స్పెషల్ ఇంటెన్సివ్ రివిజన్అదనపు డిక్లరేషన్‌ను ఉపసంహరిస్తూ అధికారిక పోర్టల్‌లో మార్పులు చేసింది. ఓటర్ల జాబితా ప్రత్యేక సంక్షిప్త సవరణ ప్రక్రియ పూర్తయిన రాష్ట్రాలు, కేంద్రపాలిత ప్రాంతాల్లో ఈ సరికొత్త సడలింపు తక్షణమే అమలులోకి రానుండటంతో కొత్త ఓటర్లకు పెద్ద ఊరట లభించింది.
Also Read : జగన్‌ను జైల్లో పెట్టిన పార్టీతో పొత్తా..? సిగ్గుండాలి..!
ఈ వివాదాస్పద నిబంధన ప్రకారం.. ఆన్‌లైన్‌లో కొత్త ఓటు కోసం దరఖాస్తు చేసేటప్పుడు దరఖాస్తుదారులతో పాటు వారి తల్లిదండ్రులు లేదా తాతల వివరాలను మునుపటి ఎస్ఐఆర్ ఓటర్ల జాబితాతో మ్యాపింగ్ చేస్తూ ఒక అదనపు డిక్లరేషన్ ఇవ్వాల్సి వచ్చేది. అయితే, చట్టబద్ధమైన ఫారమ్-6 నిబంధనలను మార్చడంపై ఎన్నికల కమిషనర్ల నుంచి అంతర్గతంగా అభ్యంతరాలు వ్యక్తమవడంతో ఈసీ ఈ నిర్ణయం తీసుకుంది. కేవలం ఐటీ డిపార్ట్‌మెంట్ చేసిన టెక్నికల్ మార్పుల వల్లే ఈ అదనపు ఫీల్డ్స్ ఆన్‌లైన్ లో దరఖాస్తుదారులకు ఇబ్బందిగా మారాయని అధికారులు క్లారిటీ ఇస్తూ, ప్రస్తుతం వాటిని తొలగించారు.
Also Read : దుబాయ్ విమానం హైజాక్..? అసలేం జరిగింది..?
తాజా మార్పుల ప్రకారం, ఎస్ఐఆర్ ప్రక్రియ ముగిసిన రాష్ట్రాల్లోని నూతన దరఖాస్తుదారులు ఇకపై ఎలాంటి అదనపు నిబంధనలు లేకుండానే.. రిజిస్ట్రేషన్ ఆఫ్ ఎలక్టర్స్ రూల్స్-1960 ప్రకారం సాధారణ ఫారమ్-6 ద్వారా ఓటు హక్కు కోసం నేరుగా దరఖాస్తు చేసుకోవచ్చు. అయితే, ప్రస్తుతం ఇంకా ప్రత్యేక ఓటర్ల జాబితా సవరణ ప్రక్రియ కొనసాగుతున్న రాష్ట్రాల్లో మాత్రం ఈ నిబంధన యథాతథంగా కొనసాగుతుందని ఈసీ స్పష్టం చేసింది. ఈ నిర్ణయంతో ఓటరు నమోదు ప్రక్రియ వేగవంతం కావడమే కాకుండా దరఖాస్తుదారులకు సాంకేతిక ఇబ్బందులు తొలగిపోనున్నాయి.
