సూపర్ స్టార్ మహేష్ బాబు, దర్శకుడు రాజమౌళి కాంబినేషన్లో అత్యంత ప్రతిష్టాత్మకంగా రూపుదిద్దుకుంటున్న అంతర్జాతీయ అడ్వెంచర్ డ్రామా వారణాసి అప్డేట్పై అంచనాలు పెరిగిపోయాయి. ఇండియన్ సినిమా చరిత్రలోనే భారీ బడ్జెట్తో తెరకెక్కుతున్న ఈ చిత్రం నుంచి, ఆగస్టు 9న మహేష్ బాబు పుట్టినరోజు సందర్భంగా అభిమానులు భారీ అప్డేట్ ఆశిస్తున్నారు. ప్రపంచవ్యాప్తంగా భారీ క్రేజ్ ఉన్న ఈ ప్రాజెక్ట్ నుంచి ఒక పవర్ ఫుల్ విజువల్ గ్లింప్స్ వస్తుందని అంతా ఆసక్తిగా ఎదురుచూస్తున్నారు.
Also Read : తెలంగాణలో డయల్ 100కు గుడ్ బై.. కొత్త నంబర్ వచ్చేసింది..!
అయితే, సినీ వర్గాల సమాచారం ప్రకారం.. ఈ పుట్టినరోజుకు అభిమానులు ఆశిస్తున్నట్లుగా టీజర్ లేదా వీడియో గ్లింప్స్ వచ్చే అవకాశాలు తక్కువగా కనిపిస్తున్నాయి. రాజమౌళి తన ప్రమోషనల్ స్ట్రాటజీలో భాగంగా, సినిమాలోని కీలక విజువల్స్ను ఇప్పుడే బయటకు వదలకుండా, మహేష్ బాబు కొత్త లుక్తో కూడిన ఒక ప్రత్యేకమైన పోస్టర్ను మాత్రమే విడుదల చేయడానికి యోచిస్తున్నట్లు తెలుస్తోంది. కంటెంట్ విషయంలో జక్కన్న లెక్కలు భిన్నంగా ఉంటాయి కాబట్టి, ఈ బర్త్ డే పోస్టర్కే పరిమితం కానున్నట్లు ప్రచారం జరుగుతోంది.
Also Read : పార్లమెంట్ లో దుమ్మురేపిన చింతకాయల విజయ్..!
ప్రస్తుతం 80 శాతానికి పైగా చిత్రీకరణ పూర్తి చేసుకున్న ఈ భారీ ప్రాజెక్ట్ను 2027 ఏప్రిల్ 7న గ్రాండ్గా విడుదల చేయాలని మేకర్స్ ప్లాన్ చేస్తున్నారు. ఈ గ్లోబల్ ప్రాజెక్ట్లో బాలీవుడ్ స్టార్ ప్రియాంక చోప్రా హీరోయిన్గా నటిస్తుండగా, పృథ్వీరాజ్ సుకుమారన్ కీలక పాత్రలో కనిపించనున్నారు. ఆస్కార్ విజేత ఎం.ఎం. కీరవాణి సంగీతం అందిస్తున్న ఈ చిత్రం నుంచి గ్లింప్స్ రాకపోయినా, రాజమౌళి డిజైన్ చేసే ఆ స్పెషల్ పోస్టర్ అభిమానులకు పూనకాలు తెప్పించడం ఖాయమని ఇండస్ట్రీ భావిస్తోంది.