ఆంధ్రప్రదేశ్‌లో ఉపాధ్యాయ ఉద్యోగాల కోసం ఎదురుచూస్తున్న నిరుద్యోగులకు కూటమి ప్రభుత్వం మరోసారి అద్భుతమైన తీపి కబురు అందించింది. యువగళం పాదయాత్రలో నిరుద్యోగ యువతకు ఇచ్చిన హామీని నెరవేరుస్తూ, విద్యాశాఖ మంత్రి నారా లోకేష్ ఆధ్వర్యంలో పాఠశాల విద్యాశాఖ బుధవారం అర్ధరాత్రి డీఎస్సీ-2026 సమగ్ర నోటిఫికేషన్‌ను అధికారికంగా విడుదల చేసింది. కేవలం 148 రోజుల్లోనే రికార్డు స్థాయిలో 16,342 పోస్టులతో మొదటి మెగా డీఎస్సీ ప్రక్రియను పూర్తి చేసి నియామక పత్రాలు అందించిన కూటమి ప్రభుత్వం, అదే పరంపరను కొనసాగిస్తూ ఇప్పుడు విద్యావ్యవస్థ బలోపేతం కోసం ఈ సరికొత్త నోటిఫికేషన్‌ను తీసుకువచ్చింది.
Also Read : ఈవీఎం కాదు.. బ్యాలెట్.. జగన్ కు ఏం అంటారు..?
ఈ నోటిఫికేషన్ ద్వారా రాష్ట్రవ్యాప్తంగా మొత్తం 2,721 ఉపాధ్యాయ పోస్టులను భర్తీ చేయనున్నారు. ఇందులో సాధారణ ప్రభుత్వ, జిల్లా పరిషత్, మండల పరిషత్, మున్సిపల్ పాఠశాలల పరిధిలో ఉన్న 1,205 సెకండరీ గ్రేడ్ టీచర్, 906 స్కూల్ అసిస్టెంట్ పోస్టులు ఉన్నాయి. వీటితో పాటుగా దివ్యాంగ విద్యార్థులకు నాణ్యమైన విద్యాబోధన అందించాలనే ఉన్నత లక్ష్యంతో ప్రత్యేక విభాగంలో 350 ఉపాధ్యాయ పోస్టులను కేటాయించారు. అలాగే విద్యాశాఖ పరిధిలోని వివిధ సంక్షేమ సొసైటీలు, రెసిడెన్షియల్ పాఠశాలల్లో ఖాళీగా ఉన్న ప్రిన్సిపాల్, పీజీటీ, టీజీటీ, ఫిజికల్ డైరెక్టర్, పిఈటి కేటగిరీలకు చెందిన మరో 260 పోస్టులను కూడా ఈ నోటిఫికేషన్ ద్వారానే భర్తీ చేయనున్నారు.
Also Read : దీపావళి స్వీట్లలో ఆరోగ్య రహస్యం.. జీర్ణవ్యవస్థకు ఏది బెస్ట్..?
ఈ నియామక ప్రక్రియను అత్యంత వేగంగా, పారదర్శక పద్ధతిలో కంప్యూటర్ ఆధారిత రాతపరీక్షల విధానంలో నిర్వహించనున్నారు. అభ్యర్థుల ఎంపికలో ఉపాధ్యాయ అర్హత పరీక్ష మార్కులకు 20 శాతం వెయిటేజీ, ఈ డీఎస్సీ రాతపరీక్షకు 80 శాతం వెయిటేజీ కల్పిస్తూ తుది మెరిట్ జాబితాను రూపొందిస్తారు. పరీక్షల నిర్వహణ డిసెంబర్ 20, 2026 నుంచి ప్రారంభమై జనవరి 13, 2027 వరకు విడతల వారీగా జరుగుతుంది. అభ్యర్థుల సౌకర్యార్థం డిసెంబర్ 5న మాక్ టెస్ట్ లింక్ అందుబాటులోకి రానుంది, అలాగే డిసెంబర్ 14 నుంచి హాల్ టికెట్లను డౌన్‌లోడ్ చేసుకోవచ్చు.
