భారత ఆటోమొబైల్ మార్కెట్లో మంచి గుర్తింపు తెచ్చుకున్న టయోటా కిర్లోస్కర్ మోటార్స్ సంస్థ, తన పాపులర్ ప్రీమియం హ్యాచ్‌బ్యాక్ మోడల్ గ్లాంజా యొక్క సరికొత్త ఫేస్‌లిఫ్ట్ వెర్షన్‌ను అక్టోబర్ 14న లాంచ్ చేయడానికి సర్వం సిద్ధం చేసింది. మారుతి సుజుకి బాలెనో ఫేస్‌లిఫ్ట్ ఆధారంగా రూపొందిన ఈ కారు ఎక్స్‌టీరియర్ డిజైన్ పరంగా భారీ మార్పులతో వస్తోంది. కారు ఫ్రంట్ ప్రొఫైల్‌ను పూర్తిగా రీడిజైన్ చేస్తూ సరికొత్త గ్రిల్, రెక్టాంగ్యులర్ ఫాగ్ ల్యాంప్స్, బొనెట్ ముందు భాగానికి మారిన టయోటా లోగోతో ఈ కొత్త మోడల్ మరింత ఆకర్షణీయంగా మారనుంది.
Also Read : వైసీపీని తుడిచేస్తున్న చిన్న శ్రీను.. భారీ దెబ్బ..!
కారు లోపలి భాగంలో వెంటిలేటెడ్ ఫ్రంట్ సీట్లు, యాక్టివ్ కూలింగ్‌తో కూడిన వైర్‌లెస్ ఛార్జింగ్ ప్యాడ్, అప్‌గ్రేడ్ చేసిన ఆడియో సిస్టమ్ వంటి సరికొత్త హైటెక్ ఫీచర్లు తోడయ్యాయి. భద్రతకు అత్యధిక ప్రాధాన్యత ఇస్తూ ఈ కొత్త గ్లాంజాలో లెవెల్ 2 అడ్వాన్స్‌డ్ డ్రైవర్ అసిస్టెన్స్ సిస్టమ్స్ ఫీచర్‌ను తీసుకురానున్నారు. ఇందులో భాగంగా అడాప్టివ్ క్రూయిజ్ కంట్రోల్, ఆటోమేటిక్ ఎమర్జెన్సీ బ్రేకింగ్, లేన్-కీప్ అసిస్ట్‌లతో పాటు 360-డిగ్రీ కెమెరా, హెడ్-అప్ డిస్‌ప్లే మరియు 6 ఎయిర్‌బ్యాగ్‌లు రైడర్లకు గరిష్ట రక్షణను అందించనున్నాయి.
Also Read : వంశీ.. నువ్వు ఎవరి తాలుకానో తెలుసా..!
ఈ ఫేస్‌లిఫ్ట్ మోడల్‌లో పాత 4-సిలిండర్ ఇంజిన్ స్థానంలో మరింత ఎక్కువ మైలేజ్ అందించే సరికొత్త 1.2-లీటర్, 3-సిలిండర్ జెడ్-సిరీస్ పెట్రోల్ ఇంజిన్‌ను అమర్చారు. ఇది 83 హెచ్‌పీ పవర్, 112 ఎన్ఎమ్ టార్క్‌ను ఉత్పత్తి చేస్తుంది మరియు 5-స్పీడ్ మాన్యువల్, ఏఎమ్‌టీ గేర్‌బాక్స్ ఆప్షన్లతో పాటు సీఎన్‌జీ వెర్షన్‌లోనూ లభించనుంది. ప్రస్తుత మోడల్ ధర రూ. 6.73 లక్షల నుండి ప్రారంభం అవుతుండగా.. ఈ అడ్వాన్స్‌డ్ ఫీచర్ల అప్‌గ్రేడ్ కారణంగా కొత్త గ్లాంజా ప్రారంభ ధర స్వల్పంగా పెరిగే అవకాశం ఉంది. ఇది మార్కెట్లోకి వచ్చిన తర్వాత మారుతి సుజుకి బాలెనో, హ్యుందాయ్ ఐ20 కార్లకు గట్టి పోటీ ఇవ్వనుంది.
