ఉత్తరాంధ్ర రాజకీయాల్లో వైఎస్సార్‌ కాంగ్రెస్ పార్టీకి కోలుకోలేని దెబ్బ తగిలింది. ఎవరూ ఊహించని విధంగా ఉత్తరాంధ్రలో వైసీపీ నుంచి టిడిపి లోకి వలసల జోరు పెరిగింది. విజయనగరం జిల్లాలో వైసీపీకి చెందిన సుమారు 3,500 మంది నాయకులు మరియు కార్యకర్తలు ఆ పార్టీకి గుడ్ బై చెప్పి తెలుగుదేశం పార్టీలో చేరారు. చీపురుపల్లి, గరివిడి, మెరకముడిదాం మండలాలకు చెందిన పలువురు మాజీ జడ్పీటీసీలు, ఎంపీటీసీలు, సర్పంచులుతో పాటు కింది స్థాయి కేడర్ అంతా అధికారికంగా టీడీపీ కండువా కప్పుకున్నారు.
Also Read : రాహుల్ పక్కన నిలిచిన ఆ యువతి ఎవరు..?
ఉమ్మడి విజయనగరం జిల్లాలో రాజకీయంగా ఎంతో ప్రభావం ఉన్న మజ్జి శ్రీనివాసరావు, సీనియర్ నాయకులు కళా వెంకట్రావు ఆధ్వర్యంలో ఈ భారీ చేరికల కార్యక్రమం ఘనంగా జరిగింది. ఇటీవల కాలంలో మజ్జి శ్రీనివాసరావు వైసీపీని వీడి టీడీపీలో చేరిన తర్వాత, ఉత్తరాంధ్ర వ్యాప్తంగా ఆ పార్టీకి వ్యతిరేకంగా వలసల జోరు మరింత ఊపందుకుంది. తాజాగా జరిగిన ఈ భారీ చేరికలతో విజయనగరం జిల్లాలో వైసీపీ బలం పూర్తిగా క్షీణించిందనే చర్చ రాజకీయ వర్గాల్లో జోరుగా సాగుతోంది.
Also Read : జగన్ ను భయపెడుతోన్న సొంత జిల్లా..!
స్థానిక సంస్థల ఎన్నికలు ముంచుకొస్తున్న తరుణంలో ఒకేసారి వేల సంఖ్యలో నాయకులు పార్టీ మారడం వైఎస్సార్‌సీపీ అధిష్టానాన్ని కలవరపెడుతోంది. ఉత్తరాంధ్రలో తమ కంచుకోటను కాపాడుకునేందుకు నానా తంటాలు పడుతున్న ఆ పార్టీకి, ఈ వలసలు అతిపెద్ద రాజకీయ సవాల్‌గా మారాయి. టీడీపీ నేతల వ్యూహాత్మక పావులతో రాబోయే రోజుల్లో ఆ జిల్లాలో వైసీపీ మరింత బలహీనపడే అవకాశం ఉందని విశ్లేషకులు భావిస్తున్నారు.
