భారతీయులకు అమెరికా వీసా రావడం కష్టమేనా..? వీసా ఇంటర్వ్యూలు మరింత కఠినంగా మారనున్నాయా..? అంటే అవుననే అంటున్నారు నిపుణులు. పరిస్థితి క్రమంగా మరింత కఠినంగా మారే అవకాశాలు ఉన్నాయని హెచ్చరిస్తున్నారు. తాజాగా ఓ వీసా విషయంలో అమెరికన్ ఎంబసీ అధికారులు అనుసరించిన వైఖరి అత్యంత వివాదాస్పదం అయింది. ఢిల్లీలోని అమెరికా రాయబార కార్యాలయంలో, ఈ నెలలో నిర్వహించిన ఓ ఇంటర్వ్యూలో అమెరికా అధికారి అత్యంత కఠినంగా వ్యవహరించారు.
Also Read : 24 గంటల్లో అమెరికా రావాలి.. హెచ్ 1బీ విసా హోల్డర్ లకు ఆదేశం
భారత్ లో కస్టమ్స్ లో పని చేసే ఓ అధికారి.. టూరిస్ట్ వీసా ఇంటర్వ్యూ కోసం వెళ్ళారు. తనకు ప్రభుత్వ ఉద్యోగం, సొంత ఇల్లు, రూ. 50 లక్షలకు పైగా బ్యాంక్ బ్యాలెన్స్, టూర్ క్యాలెండర్ పక్కాగా ఉన్నప్పటికీ, అతనికి అతని భార్యకు వీసా నిరాకరించారు. కేవలం 3 నిమిషాల ఇంటర్వ్యూలో సెక్షన్ 214(బి) కింద వీసాలు నిరాకరించారు. కంప్యూటర్ స్క్రీన్ లోనే ఎక్కువ టైం గడిపిన అధికారి.. అన్ని పేపర్స్ ఖచ్చితంగా ఉన్నప్పటికీ.. అతని అర్హతల గురించి ఏ విధమైన ప్రశ్నలు వేయలేదని జాతీయ మీడియా మీడియా పేర్కొంది.
Also Read : ఫ్యామిలీని టచ్ చేసిన లిక్కర్ స్కామ్ విచారణ..?
అన్ని పేపర్స్ తాను తీసుకు వెళ్ళినా సరే ఏదీ పరిశీలించకుండా కేవలం 3 నిమిషాల్లో వీసా నిరాకరించారు అని తెలిపింది. టూరిస్ట్ వీసాల విషయంలో కూడా అమెరికా కఠినంగా వ్యవహరిస్తుందని, అక్కడికి వెళ్లి చిన్న చిన్న వ్యాపారాల్లో భారతీయులు పెట్టుబడులు పెడుతున్నారు అనే అనుమానంతోనే ఈ విధంగా వ్యవహరిస్తున్నారని, తమ భవిష్యత్తు గమ్యస్థానంగా అమెరికాను ఎంపిక చేసుకోవడమే కాకుండా ఇప్పటి వరకు వెళ్ళిన టూరిస్ట్ లు ఏదోక వీసా అప్లికేషన్ ల పేరుతో అమెరికాలో ఉండిపోవడం కూడా జరుగుతోందని అందుకే అమెరికా వీసాలు నిరాకరిస్తుందని నిపుణులు అభిప్రాయపడుతున్నారు.