సినిమాలో కమెడియన్ ట్రాక్ ఉండటం వేరే.. కమెడియన్ ఓ పాత్రతో నవ్వించడం వేరు.. హీరోగా సినిమా మొత్తాన్ని మోయడం వేరు.. కమెడియన్‌గా వెన్నెల కిషోర్ ఎన్నో సినిమాలను తన భుజాన మోశాడు. అలాంటి వెన్నెల కిషోర్ హీరోగా చారి 111 అనే చిత్రం వచ్చింది. అంటే ఈ సినిమా నుంచి ఆడియెన్స్ సహజంగానే కామెడీని ఆశిస్తారు. అలా అని కామెడీతోనే సినిమాను రన్ చేయలేరు. మరి ఈ చిత్రంలోని కథ ఏంటి? వెన్నెల కిషోర్ ఏ మేరకు మెప్పించాడు? అన్నది ఓ సారి రివ్యూ చూద్దాం.
కథ
రుద్రనేత్ర అనే సీక్రెట్ ఏజెంట్ టీంను మేజర్ ప్రసాద్ రావు (మురళీ శర్మ) నడిపిస్తుంటాడు. దేశ భద్రత కోసం ఈ టీం సీక్రెట్‌గా పని చేస్తుంది. ఈ టీంకు సీఎం ఫుల్ సపోర్ట్ ఉంటుంది. హైద్రాబాద్‌లో ఒకసారి సూసైడల్ బాంబ్ అటాక్ జరుగుతుంది. కానీ ఆ వ్యక్తి దగ్గర ఎలాంటి పేలుడు పదార్థాలు గానీ, బాంబ్ గానీ దొరకదు. ఆ విషయాన్ని పరిశోధించేందుకు రుద్రనేత్ర టీం రంగంలోకి దిగుతుంది. అందులో ఏజెంట్ చారి వెన్నెల కిషోర్ సినిమా అంటే కామెడీని ఆశిస్తారు. అంతే కానీ సినిమానే ఓ కామెడీలా అవ్వాలని, అలానే ఉంటే చూస్తారని అనుకోవడం పొరబాటే. ఎంత కామెడీ చిత్రమైనా, లాజిక్‌లు అవసరం లేదనుకుంటే చాలా తప్పు. అన్ని చిత్రాలు జాతి రత్నాలు అవ్వలేవు. అదేదో ఆ సినిమాకు కలిసి వచ్చిందంతే. ఓ లాజిక్ అవసరం లేకుండా.. సిట్యువేషన్‌కు సంబంధం లేకుండా కామెడీ చేయడం.. జాతి రత్నాలు సినిమాకు కలిసి వచ్చింది. అలా అని అన్ని చిత్రాలకు అది వర్కౌట్ కాకపోవచ్చు.
వెన్నెల కిషోర్ చారి 111 వంటే.. జేమ్స్ బాండ్ లెవెల్‌లో ఏమీ ఎవ్వరూ ఊహించుకోరు. ఫుల్ సీరియెస్ మోడ్‌లో నడుస్తుందని కూడా అనుకోరు. ఇతర సినిమాల్లో వెన్నెల కిషోర్ కామెడీ చేస్తే అంతా హాయిగా నవ్వుకునేలా ఉంటుంది. కానీ చారి 111లో వెన్నెల కిషోర్ చేసింది కామెడీయేనా? అన్న అనుమానం వస్తుంది. పై అధికారితో ఎలా మాట్లాడతారు? సీఎంతో ఎలా మాట్లాడతారు? అసలు విలన్‌ను ఎదురుగా పెట్టుకుని చేసే పనులేంటి? వామ్మో ఇలా ఈ సినిమాలోని తప్పుల గురించి మాట్లాడితే రోజంతా సరిపోదు. ఇక ఇలా లాజిక్స్ అన్నీ పక్కన పెట్టేసి హాయిగా నవ్వుకుందామని అనుకున్నా కూడా ఒక్క సీన్‌కి కూడా నవ్వురాదు. ఇదీ ఒక కామెడీనా? అని అనిపిస్తుంది.
చారి 111 సినిమాకు ఓ కథ, కథనం అన్నవి కూడా సరిగ్గా ప్లాన్ చేసుకోలేదు. ఆ కెమికల్ పిల్, బ్లాస్టింగ్ పాయింట్ కాస్త కొత్తగా అనిపిస్తుందంతే. ఈ సినిమాలో లాజిక్‌లు అనేవి.. పులిహోరలో పులి ఎలా ఉండదో.. ఈ సినిమాలో లాజిక్స్ అనేవి అలా ఉండవు. ఈ పాత్ర ఏంటి? ఇలా ప్రవర్తిస్తోంది? ఆ కారెక్టర్ ఏంటి? ఇలా ఉంది? అని ఆలోచిస్తే మాత్రం బుర్ర పాడు అవ్వడం ఖాయం. ఫస్ట్ హాఫ్‌ను భరించడమే కష్టం అంటే.. సెకండాఫ్ కూడా అలానే ఉంటుంది. ఆ ఫ్లాష్ బ్యాక్ ఎపిసోడ్‌ను తెరపై చూపించిన తీరు మరింత నవ్వుకునేలా ఉంటుంది. ఇలా చారి 111 గురించి ఎంత చెప్పుకున్నా కొంత మిగిలే ఉంటుంది
టెక్నికల్‌గా ఈ సినిమాకు ఒకే ఒక్క సేవియర్ పాయింట్ సైమన్ కే కింగ్ ఆర్ఆర్. సినిమా స్థాయిని మించి ఇచ్చాడేమో అన్న అనుమానం కూడా కలుగుతుంది. కెమెరా వర్క్ ఓకే అనిపిస్తుంది. మాటలు నవ్వు తెప్పించవు. మురళీ శర్మ చెప్పే కొన్ని డైలాగ్స్ ఈ సినిమాకు బాగా సూట్ అవుతాయి. నాన్ సెన్స్.. వేస్ట్ ఫెల్లో.. ఇలా చాలా పదాలు సినిమాలో చారి పాత్రను తిట్టడానికి వాడుతుంటారు. సినిమా చూసే ప్రేక్షకులకు కూడా అలాంటి ఫీలింగే వస్తుంది.
ప్రతి సినిమాలో నవ్వించే వెన్నెల కిషోర్.. ఇప్పుడు మాత్రం నవ్వించలేకపోయాడు. అసలు ఈ సినిమాకు వెన్నెల కిషోర్ హీరోనా, కమెడియనా? అన్నది అర్థం కాదు. సంయుక్త చూడటానికి తెరపై అందంగా ఉంది. యాక్షన్ సీక్వెన్స్ కూడా బాగానే చేసింది. మురళీ శర్మ పాత్ర రొటీన్‌గా ఉంటుంది. బ్రహ్మాజీ మధ్యలోనే అంతమయ్యే పాత్ర. సత్య కామెడీ కూడా నవ్వించలేకపోయింది. తాగుబోతు రమేష్ పాత్ర కాస్త ఓవర్‌గా, మరీ సిల్లీగా అనిపించింది. విలన్‌గా పోషించింది ఎవరన్నది కూడా ప్రేక్షకులకు తెలియకుండా పోయేలా ఉంది. ఏ పాత్ర కూడా ప్రేక్షకులపై ప్రభావం చూపించదు.
