నందమూరి బాలకృష్ణ – బోయపాటి శ్రీను కాంబినేషన్లో రూపొందిన లేటెస్ట్ చిత్రం ‘అఖండ 2’ విమర్శకుల ప్రశంసలతో పాటు ప్రేక్షకుల అపార ఆదరణను కూడా సొంతం చేసుకుంది. ఎన్నో ఆర్థిక ఇబ్బందులను ఎదుర్కొని నిర్మాతలు ఈ చిత్రాన్ని విడుదల చేయగా, భారీ అంచనాల మధ్య థియేటర్లలోకి వచ్చిన సినిమా మొదటి నుంచే బలమైన ఓపెనింగ్స్ను రాబట్టింది. బాలకృష్ణ–బోయపాటి కాంబినేషన్కు టాలీవుడ్లో ఉన్న ప్రత్యేకమైన ఫ్యాన్ బేస్ మరోసారి స్పష్టంగా కనిపించింది. దాదాపు థియేట్రికల్ రన్ను పూర్తి చేసుకున్న ‘అఖండ 2’ వరల్డ్ వైడ్గా సుమారు 115 కోట్ల రూపాయల గ్రాస్ వసూళ్లు సాధించి విజయవంతంగా నిలిచింది. ముఖ్యంగా ఇండియాలో బాలయ్యకు ఉన్న మాస్ ఫాలోయింగ్ ఈ వసూళ్లలో కీలక పాత్ర పోషించింది.
Also Read : రాజాసాబ్ ఫ్యాన్స్ కు వంగా న్యూ ఇయర్ గిఫ్ట్..??
బాలయ్య సినిమా అంటే థియేటర్లో పండుగ వాతావరణం ఖాయం అనే నమ్మకం ప్రేక్షకుల్లో మరింత బలపడిందని ఈ సినిమా మరోసారి నిరూపించింది. అదేవిధంగా నార్త్ అమెరికాలో కూడా బాలకృష్ణ ఫ్యాన్ బేస్ ఎంత బలంగా ఉందో ‘అఖండ 2’తో స్పష్టమైంది. నిన్నటితో ఈ చిత్రం అక్కడ 1 మిలియన్ డాలర్ మార్క్ను అందుకుని, వరుసగా ఐదుసార్లు ఈ ఘనత సాధించిన ఏకైక సీనియర్ హీరోగా బాలయ్య చరిత్ర సృష్టించాడు. ‘అఖండ’, ‘వీర సింహా రెడ్డి’, ‘డాకు మహారాజ్’, ‘భగవంత్ కేసరి’, ‘అఖండ 2’—ఈ ఐదు సినిమాలు వరల్డ్ వైడ్గా 100 కోట్ల గ్రాస్తో పాటు నార్త్ అమెరికాలో 1 మిలియన్ డాలర్ మార్క్ను అందుకోవడం బాలయ్య గ్లోబల్ ఫ్యాన్ ఫాలోయింగ్కు నిదర్శనం.
Also Read : కార్యకర్తలకు లెటర్లు ఇవ్వరా..? ఎమ్మెల్యేలపై ఆగ్రహం..!
చిరంజీవి కి కూడా ఇలాంటి రికార్డు ఉండేది. కానీ మధ్యలో ఆచార్య చిత్రం అటు వరల్డ్ వైడ్ గా వంద కోట్ల గ్రాస్ ని అందుకోలేదు, నార్త్ అమెరికా లో 1 మిలియన్ డాలర్ మార్కుని కూడా అందుకోలేదు. అందుకే చిరంజీవి కి ఈ రేర్ ఫీట్ మిస్ అయ్యింది. ఈ రికార్డుని భవిష్యత్తులో కూడా ఎవ్వరూ బ్రేక్ చేయలేరేమో. మొత్తానికి, ‘అఖండ’ సినిమా నుంచి బాలకృష్ణపై ప్రేక్షకుల్లో ఏర్పడిన విశ్వాసం ‘అఖండ 2’తో మరింత బలపడింది. ఒకప్పుడు బాలయ్య సినిమా అంటే రిస్క్ అని భావించినవారు కూడా, ఇప్పుడు “బాలయ్య సినిమా అంటే మినిమమ్ గ్యారంటీ” అనే స్థాయికి వచ్చారు. ఇండియాలోనే కాదు, ప్రపంచవ్యాప్తంగా ఉన్న అభిమానుల అండతో బాలకృష్ణ ఈ అరుదైన రికార్డులను సాధించడం ఆయన స్టార్డమ్కు స్పష్టమైన ఉదాహరణగా నిలుస్తోంది.