గత రెండు రోజుల నుంచి అత్యంత సంచలనంగా మారిన తుని అత్యాచారయత్నం ఘటనకు సంబంధించి.. కీలక పరిణామం చోటు చేసుకుంది. సపోటా తోటలో ఓ చిన్నారిపై ఘటనకు పాల్పడే ప్రయత్నం చేసిన నారాయణ రావు అనే వ్యక్తి నిన్న రాత్రి ఆత్మహత్యకు పాల్పడినట్టు పోలీసులు తెలిపారు. సపోటా తోటలోకి బాలికను తీసుకువెళ్ళి అసభ్యంగా ప్రవర్తించే ప్రయత్నం చేయడం, తోట యజమాని వీడియో తీసి, పోలీసులకు ఫిర్యాదు చేయడం జరిగింది. ఆ వెంటనే దీనిపై పోలీసులు ఫోక్సో కేసు నమోదు చేసి నిందితుడిని అదుపులోకి తీసుకున్నారు.
Also Read : నా తండ్రికి ఆమె భార్య కాదు.. మాగంటి గోపీనాథ్ కొడుకు సంచలనం
ఈ క్రమంలోనే అతనిని తుని మేజిస్ట్రేట్ ముందు హాజరు పరిచే ప్రయత్నం చేయగా.. అతను చెరువులో దూకి తప్పించుకునే ప్రయత్నం చేసినట్టు వార్తలు వచ్చాయి. ఆ వెంటనే పోలీసులు గజ ఈతగాళ్ళను, డ్రోన్ లను రంగంలోకి దింపి గాలింపు చేపట్టారు. అయినా సరే లాభం లేకపోయింది. ఇక నేడు ఉదయం అతని మృతదేహాన్ని పోలీసులు స్వాధీనం చేసుకున్నారు. వాష్ రూమ్ కు వెళ్తాను అని చెప్పిన తర్వాత, పోలీసులు అనుమతి ఇవ్వడం, వర్షం పడటంతో పోలీసులు చెట్టు కింద ఉండటంతో ఇదే అదునుగా భావించి అతను పారిపోయే ప్రయత్నం చేసినట్టు తెలుస్తోంది.
Also Read : దానం చుట్టూ మరో వివాదం..!
అయితే చెరువు పెద్దగా ఉండటంతో అతను ఈత కొట్టలేకపోయినట్లు తెలుస్తోంది. అతను చేసిన తప్పుకి పశ్చాత్తాపంతో సిగ్గుపడి ఆత్మహత్య ప్రయత్నం చేసి ఉండొచ్చు లేదా..? అనుకోకుండా చెరువులో పడిపోయి ఉండొచ్చు అని భావిస్తున్నామని స్థానిక పోలీసులు చెప్తున్నారు. ఇక అతని ఆత్మహత్యపై రాష్ట్ర వ్యాప్తంగా హర్షం వ్యక్తమవుతోంది. ప్రభుత్వం తన విషయంలో కఠినంగా వ్యవహరించే అవకాశం ఉందని భయపడే అతను ఈ ఆత్మహత్యకు పాల్పడి ఉండవచ్చనే అభిప్రాయాలు వ్యక్తమవుతున్నాయి.
