మెడికల్ కాలేజీల అంశానికి సంబంధించి రాష్ట్ర ప్రభుత్వం తీసుకున్న పబ్లిక్ ప్రైవేట్ పార్టనర్ షిప్ నిర్ణయంపై మాజీ ముఖ్యమంత్రి వైఎస్ జగన్మోహన్ రెడ్డి, ఆయన సారథ్యంలోని వైసీపీ పదేపదే విమర్శలు చేయడం ప్రభుత్వానికి కొంత తలనొప్పిగా మారింది. ఈ అంశానికి సంబంధించి ఇటీవల జగన్ మాట్లాడిన మాటలతో.. పెట్టుబడులు పెట్టేందుకు ప్రైవేట్ సంస్థలు ముందుకు రావడం లేదు. అయితే రాష్ట్ర ప్రభుత్వ స్వయంగా జోక్యం చేసుకోవడంతో కొంత మార్పు కనపడుతుంది. ఈ విషయంలో మంత్రి నారా లోకేష్ స్వయంగా జోక్యం చేసుకోవడం.. పెట్టుబడులు పెట్టాలనుకున్న వాళ్లతో మాట్లాడటం వంటివి జరుగుతున్నాయి.
Also read : ఏపీలో ఇప్పటికీ కొనసాగుతున్న వైఎస్ జగన్ పాలన..!
అయితే గత మూడు నెలల నుంచి వైసీపీ ఇదే అంశంపై విమర్శలు చేయడం ఆశ్చర్యం కలిగిస్తోంది. ప్రభుత్వాన్ని టార్గెట్ చేసేందుకు వైసిపికి మరో అంశం దొరకకపోవడమే ఈ అంశంపై విమర్శలు చేయడం కారణం అనే కామెంట్స్ వినపడుతున్నాయి. అటు ప్రజా ఉద్యమంలో విషయంలో కూడా వైసిపి పెద్దగా ముందుకు రావడం లేదు. సంక్షేమ కార్యక్రమాలకు సంబంధించి విమర్శలు చేయాలని భావించినప్పటికీ.. ప్లాన్ వర్కౌట్ కాకపోవడంతో వైసిపి ఈ అంశం మీద మాత్రమే ముందుకు వెళుతుంది. ఈ అంశంలో రాష్ట్ర ప్రభుత్వం క్లారిటీ ఇచ్చినప్పటికీ జగన్ మాత్రం వదలడం లేదు.
Also read : ఇది కూడా సీబీఐకే..? రేవంత్ సంచలన నిర్ణయం..?
అటు రాష్ట్ర ప్రభుత్వం కూడా ఈ అంశంలో వెనక్కి తగ్గకపోవడం.. ఎలాగైనా సరే ఈ విధానంలో మెడికల్ కాలేజీలను నిర్మించాలని భావించటం కొంత రాజకీయాన్ని వేడెక్కించింది. అయితే ఈ అంశంలో జగన్ లేదంటే కొంతమంది వైసిపి నేతలు మినహా మిగిలిన నాయకులు పెద్దగా స్పందించడం లేదు. అటు సోషల్ మీడియాలో సైతం వైసీపీ క్యాడర్ ఈ అంశాన్ని పెద్దగా పట్టించుకోని పరిస్థితి ఏర్పడింది. తెలంగాణ మాజీ ముఖ్యమంత్రి కెసిఆర్ ప్రసంగాలకు ఎక్కువగా వైసీపీ ప్రాధాన్యత ఇస్తుంది. దీనితో వైసిపి సోషల్ మీడియా లో ఈ పి పిపీ విధానం మరుగున పడిపోయింది.