కూటమి ప్రభుత్వం సంక్రాంతి పండుగను పురస్కరించుకుని రాష్ట్ర ప్రభుత్వ ఉద్యోగులు, పెన్షనర్లకు కీలక ఉపశమనం కల్పించింది. గత వైసీపీ ప్రభుత్వ హయాంలో ఐదేళ్లుగా పెండింగ్లో ఉన్న డీఏ (Dearness Allowance) బకాయిలను ఒకేసారి విడుదల చేసి, రాష్ట్రవ్యాప్తంగా ఉద్యోగుల కుటుంబాల్లో నిజమైన పండుగ వాతావరణాన్ని తీసుకొచ్చింది. మొత్తం దాదాపు రూ.1,100 కోట్లను ఉద్యోగులు, పెన్షనర్ల ఖాతాల్లో జమ చేయడం ద్వారా ఆర్థిక క్రమశిక్షణ పునరుద్ధరణకు స్పష్టమైన సంకేతం ఇచ్చింది.
Also Read : పవన్ ను వేధిస్తున్న జనసేన ఎమ్మెల్యేలు..!
2019 నుంచి సుమారు 60 నెలలుగా పెండింగ్లో ఉన్న డీఏ బకాయిలను క్లియర్ చేయడం వల్ల దాదాపు 2.25 లక్షల CPS ఉద్యోగులు, 2.70 లక్షల మంది పెన్షనర్లకు నేరుగా నగదు ప్రయోజనం చేకూరింది. ఉద్యోగుల మూల వేతనాన్ని బట్టి ఒక్కొక్కరి ఖాతాలో రూ.30 వేల నుంచి రూ.60 వేల వరకు జమయ్యాయి. పండుగ వేళ ఈ మొత్తాలు అందడంతో ఉద్యోగ సంఘాలు హర్షం వ్యక్తం చేయగా, గత ప్రభుత్వంలో జీతాలే సమయానికి రాని పరిస్థితులతో పోలిస్తే ఇది పెద్ద మార్పుగా ఉద్యోగులు అభిప్రాయపడుతున్నారు.
ఇదే క్రమంలో రాష్ట్రంలోని సుమారు 55 వేల మంది పోలీసులకు దీర్ఘకాలంగా పెండింగ్లో ఉన్న సరెండర్ లీవ్ బకాయిలను కూడా చంద్రబాబు నాయుడు ప్రభుత్వం విడుదల చేసింది. అదేవిధంగా నాబార్డ్, విదేశీ నిధులతో చేపట్టిన పనులకు సంబంధించి కాంట్రాక్టర్లకు రూ.1,243 కోట్లను చెల్లించడం ద్వారా నిలిచిపోయిన అభివృద్ధి పనులు తిరిగి ప్రారంభమయ్యే పరిస్థితిని కల్పించింది. ఇది రాష్ట్ర ఆర్థిక వ్యవస్థకు, మౌలిక సదుపాయాల అభివృద్ధికి కీలక మలుపుగా భావిస్తున్నారు.
Also Read : తమిళ సూపర్ స్టార్ అవ్వాలనే అల్లు అర్జున్ ప్రయత్నం ఫలిస్తుందా?
ఉద్యోగ సంఘాల నేతలు ఇటీవల ముఖ్యమంత్రి చంద్రబాబు నాయుడును కలిసి తమ సమస్యలను వివరించగా, పండుగ నాటికి బకాయిలు చెల్లిస్తామని ఆయన ఇచ్చిన హామీని ఆర్థిక శాఖతో సమన్వయం చేసి అమలు చేయడం ఆయన చిత్తశుద్ధికి నిదర్శనంగా NGO సంఘాల నేతలు ప్రశంసిస్తున్నారు. గత వైసీపీ ప్రభుత్వ పాలనలో ఆర్థిక అవ్యవస్థ కారణంగా ఉద్యోగులు ఎదుర్కొన్న కష్టాల నుంచి, ఇప్పుడు రాష్ట్ర ఆర్థిక వ్యవస్థను పట్టాలెక్కిస్తూ సంక్షేమం–అభివృద్ధి రెండింటికీ సమతుల్యం తీసుకొస్తున్న చంద్రబాబు నాయుడు నాయకత్వంపై ఉద్యోగులు విశ్వాసం వ్యక్తం చేస్తున్నారు.