తెలుగు సినిమా ఇండస్ట్రీలో మెగాస్టార్ చిరంజీవి సాధించిన స్థానం ప్రత్యేకమైనది. దశాబ్దాల పాటు కొనసాగిన ఆయన సినీ ప్రయాణం, ఎన్నో విజయవంతమైన చిత్రాలు ఆయనను టాప్ లెవల్ స్టార్గా నిలబెట్టాయి. ప్రస్తుతం చిరంజీవి, దర్శకుడు అనిల్ రావిపూడి దర్శకత్వంలో తెరకెక్కిన ‘మన శంకర వరప్రసాద్’ సినిమాతో ప్రేక్షకుల ముందుకు రావడానికి సిద్ధంగా ఉన్నారు. ఈ చిత్రం 2026 సంక్రాంతి సందర్భంగా, జనవరి 12న థియేటర్లలో విడుదల కానుంది.
Also Read : రప్ప రప్ప ఆపొద్దు.. కార్యకర్తలకు జగన్ సిగ్నల్..!
ఫ్యామిలీ ఎంటర్టైనర్గా రూపొందిన ఈ సినిమాపై ఇప్పటికే భారీ అంచనాలు నెలకొన్నాయి. ముఖ్యంగా చిరంజీవితో పాటు వెంకటేష్ కీలక పాత్రలో కనిపించనుండటంతో, ఈ ప్రాజెక్ట్కు మరింత ప్రాధాన్యత ఏర్పడింది. ఈ కాంబినేషన్ ప్రేక్షకుల్లో ప్రత్యేక ఆసక్తిని రేపుతోంది. ట్రేడ్ వర్గాల సమాచారం ప్రకారం, ఈ సినిమాకు సుమారు 160 కోట్ల రూపాయల బడ్జెట్ కేటాయించినట్లు తెలుస్తోంది. దానికి అనుగుణంగానే ప్రీ-రిలీజ్ బిజినెస్ కూడా గణనీయ స్థాయిలో జరిగినట్టు సమాచారం. మొత్తం బడ్జెట్ మరియు బిజినెస్ను పరిగణనలోకి తీసుకుంటే, ఈ సినిమా సుమారు 170 కోట్ల రూపాయల కలెక్షన్స్ సాధిస్తే సేఫ్ జోన్లోకి ప్రవేశిస్తుందని ట్రేడ్ విశ్లేషకులు అభిప్రాయపడుతున్నారు.
Also Read : భారత్ పై భారీ సుంకాలు.. అమెరికన్ మీడియా సంచలనం..!
మేకర్స్ ఈ సినిమాపై పూర్తి నమ్మకంతో ఉన్నారు. అన్ని వర్గాల ప్రేక్షకులను ఆకట్టుకునేలా కథనం, వినోదాత్మక అంశాలు ఉండేలా చిత్రాన్ని రూపొందించినట్లు వారు చెబుతున్నారు. చిరంజీవి కూడా ఈ సినిమాతో కొత్త రికార్డులు సృష్టించాలనే ఆత్మవిశ్వాసాన్ని వ్యక్తం చేస్తున్నట్లు సమాచారం. అనిల్ రావిపూడి దర్శకత్వంలో చిరంజీవి ఏ స్థాయిలో ప్రేక్షకులను అలరించనున్నాడు? విజిల్స్ పడే సన్నివేశాలు ఎంతవరకు ప్రభావం చూపిస్తాయన్నది తెలియాలంటే, సినిమా విడుదల వరకు వేచి చూడాల్సిందే.