భారత క్రికెట్ జట్టులో తన స్థానం గురించి ఎప్పుడూ చర్చల్లో ఉండే వికెట్ కీపర్ బ్యాటర్ సంజూ శాంసన్ అద్భుతమైన ప్రతిభావంతుడనే విషయంలో ఎవరికీ ఎలాంటి సందేహాలు లేవు. అయితే మైదానంలో తన ఆటతో అభిమానులను మైమరపించే సంజూ శాంసన్‌ను సైతం ఫిదా చేసిన ఏకైక వ్యక్తి ఎవరైనా ఉన్నారంటే అది సూపర్ స్టార్ రజినీకాంత్ మాత్రమే. సంజూ శాంసన్ తలైవాకు ఎంతటి వీరాభిమానో అందరికీ తెలిసిందే అయినప్పటికీ, తాజాగా రజినీకాంత్ నటించిన తాజా చిత్రం జైలర్ 2 కోసం అతను ఏకంగా ఒక సినిమా హాల్ మొత్తాన్ని రెంట్ కు తీసుకుని తన అభిమానాన్ని చాటుకున్నాడు.
Also Read : బెజవాడలో దూకుడు పెంచిన ఏబీవీ..!
తన కుటుంబ సభ్యులు, స్నేహితులు, టీమిండియా సహచర ఆటగాళ్లతో కలిసి ఈ సినిమాను వీక్షించేందుకే సంజూ శాంసన్ ఈ థియేటర్ స్క్రీన్‌ను పూర్తిగా బుక్ చేసుకున్నాడు. ఈ విషయంపై సంజూ మాట్లాడుతూ.. “నాకు రజినీ సార్ సినిమాలు చూడటం చాలా ఇష్టం. నిన్న ఢిల్లీలో ఒక ఈవెంట్ ఉండటం వల్ల నేను సినిమాను మొదటి రోజే చూడలేకపోయాను. కానీ ఈరోజు అదృష్టవశాత్తూ థియేటర్ మొత్తం బుక్ చేసుకునే అవకాశం దొరికింది. నా భార్య, స్నేహితులతో కలిసి తలైవాను వెండితెరపై చూడటానికి ఎంతో ఆసక్తిగా ఎదురుచూస్తున్నాను” అని తెలిపాడు. అంతేకాకుండా, భారత జట్టులోని తమిళం తెలిసిన ఆటగాళ్లు, సపోర్ట్ స్టాఫ్ కూడా తనతో పాటు ఈ స్పెషల్ షోకి వస్తున్నారని సంజూ శాంసన్ వెల్లడించారు.
Also Read : అసాధ్యాన్ని సుసాధ్యం చేసిన లోకేష్..!
దర్శకుడు నెల్సన్ దిలీప్‌కుమార్ తెరకెక్కించిన జైలర్ 2 చిత్రం, 2023లో వచ్చిన బ్లాక్‌బస్టర్ జైలర్ చిత్రానికి సీక్వెల్‌గా వచ్చిన హై-వోల్టేజ్ యాక్షన్ థ్రిల్లర్ మూవీ. టైగర్ ముత్తువేల్ పాండియన్‌గా రజినీకాంత్ తనదైన స్టైల్, యాక్షన్, అనిరుధ్ అందించిన బ్యాక్‌గ్రౌండ్ మ్యూజిక్‌తో థియేటర్లలో రచ్చ లేపుతున్నారు. ఇప్పటికే దేశవ్యాప్తంగా బాక్స్ ఆఫీస్ రికార్డులను తిరగరాస్తూ, అటు ప్రేక్షకుల నుండి, ఇటు విమర్శకుల నుండి భారీ ప్రశంసలు అందుకుంటోంది. రజినీకాంత్ స్క్రీన్ ప్రెజెన్స్ కారణంగానే ఈ సినిమాకు థియేటర్ మొత్తం బుక్ చేసి మరీ సంజూ శాంసన్ సెలబ్రేట్ చేసుకోవడం పూర్తిగా సమంజసమని అభిమానులు సోషల్ మీడియాలో కామెంట్లు పెడుతున్నారు.
