మెగాస్టార్ చిరంజీవి పుట్టినరోజు వేడుకల వేళ మెగా అభిమానులకు మైండ్ బ్లోయింగ్ సర్ప్రైజ్ అందింది. చిరంజీవి హీరోగా, బాక్సాఫీస్ వద్ద మాస్ జాతర యాక్షన్ ఎంటర్టైనర్లను సిల్వర్ స్క్రీన్పై ఆవిష్కరించే సక్సెస్ఫుల్ డైరెక్టర్ బాబీ కాంబినేషన్లో ఒక భారీ క్రేజీ ప్రాజెక్ట్ తెరకెక్కుతున్న సంగతి తెలిసిందే. ‘మెగా-158’ వర్కింగ్ టైటిల్తో సెట్స్ పైకి వెళ్లిన ఈ క్రేజీ సినిమా నుంచి మెగాస్టార్ బర్త్డే స్పెషల్గా చిత్ర యూనిట్ ఒక బిగ్ అప్డేట్ను సోషల్ మీడియా వేదికగా వదిలింది.
Also Read : టాటా కార్లపై భారీ డిస్కౌంట్లు.. రూ. 3.5 లక్షల వరకు ఆఫర్స్..!
ఈ క్రేజీ ప్రాజెక్టుకు ‘కాకా’ అనే పక్కా లోకల్, ఊరమాస్ టైటిల్ను ఖరారు చేస్తూ మేకర్స్ అదిరిపోయే రేంజ్లో టైటిల్ గ్లింప్స్ వీడియోను రిలీజ్ చేశారు. ఈ స్పెషల్ గ్లింప్స్లో మెగాస్టార్ చేతిలో గన్ పట్టుకుని తన వింటేజ్ విజువల్స్, మాస్ ఆటిట్యూడ్తో ఫ్యాన్స్కు పూనకాలు తెప్పించేలా కనిపించారు. గతంలో వీరిద్దరి కాంబినేషన్లో వచ్చిన ‘వాల్తేరు వీరయ్య’ బాక్సాఫీస్ వద్ద భారీ బ్లాక్బస్టర్ విజయాన్ని అందుకోవడంతో, ఈసారి అంతకుమించిన హై-వోల్టేజ్ ఎలిమెంట్స్, సాలిడ్ ఎలివేషన్స్, ఎస్. థమన్ అదిరిపోయే బ్యాక్గ్రౌండ్ స్కోర్తో బాబీ ఈ కమర్షియల్ స్క్రిప్ట్ను నెక్స్ట్ లెవెల్లో డిజైన్ చేసినట్లు స్పష్టమవుతోంది.
Also Read : ఆగస్టు 24 నుండి కొత్త సిమ్ రూల్స్.. ఆ లిమిట్ దాటితే మీ నంబర్లు బ్లాక్..!
ప్రస్తుతం యూట్యూబ్తో పాటు సోషల్ మీడియా ప్లాట్ఫామ్స్ అన్నింటిలోనూ ఈ ‘కాకా’ గ్లింప్స్ వీడియో విపరీతమైన లైకులు, రికార్డు వ్యూస్తో దూసుకుపోతూ నెంబర్ వన్ స్థానంలో ట్రెండ్ అవుతోంది. కేవీఎన్ ప్రొడక్షన్స్ భారీ బడ్జెట్తో ప్రతిష్టాత్మకంగా నిర్మిస్తున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది. మెగాస్టార్ జన్మదిన వేడుకల వేళ వచ్చిన ఈ సాలిడ్ మాస్ అప్డేట్తో థియేటర్లలో మెగా ఫ్యాన్స్ పండుగ సంబరాలు ఇప్పుడే మొదలైపోయాయి.