మాస్ మహారాజా రవితేజ నటిస్తున్న తాజా చిత్రం ‘ఇరుముడి’ పై ప్రేక్షకుల్లో ఆసక్తి పెరుగుతోంది. ఇప్పటికే విడుదలైన ప్రచార కంటెంట్తో సినిమాపై అంచనాలు ఏర్పడగా.. తాజాగా ఈ మూవీ సెన్సార్ కార్యక్రమాలను పూర్తి చేసుకున్నట్లు తెలుస్తోంది. సినిమాకు U/A సర్టిఫికెట్ జారీ కాగా, 2 గంటల 25 నిమిషాల రన్టైమ్ లాక్ చేసినట్లు సమాచారం.
తండ్రి–కూతుళ్ల సెంటిమెంట్తో పాటు క్రైమ్ సస్పెన్స్
‘ఇరుముడి’ కథలో తండ్రి–కూతుళ్ల మధ్య ఉండే భావోద్వేగ బంధం ప్రధాన బలంగా నిలుస్తుందని చిత్రబృందం మొదటి నుంచి చెబుతూ వస్తోంది. అయితే కేవలం ఫ్యామిలీ ఎమోషన్స్కే పరిమితం కాకుండా.. కథలోని క్రైమ్, సస్పెన్స్ అంశాలు కూడా ప్రేక్షకులను ఎంగేజ్ చేసే విధంగా ఉంటాయని టాక్. కథనం ముందుకు సాగే కొద్దీ వచ్చే ట్విస్టులు, సస్పెన్స్ ఎలిమెంట్స్ సినిమాకు కీలక ఆకర్షణగా నిలుస్తాయని తెలుస్తోంది.
Also Read : బీసీలకు చంద్రబాబు సర్కార్ గుడ్ న్యూస్..!
సినిమాలో అయ్యప్ప మాల ధరించిన తర్వాత రవితేజ పాత్రలో చోటుచేసుకునే మార్పు కథలో అత్యంత కీలకమైన అంశంగా నిలుస్తుందని సమాచారం. పాత్రలో వచ్చే ఈ ట్రాన్స్ఫర్మేషన్ను దర్శకుడు శివ నిర్వాణ తనదైన టేకింగ్తో తెరకెక్కించినట్లు టాక్. మాస్ ఇమేజ్కు భిన్నంగా ఎమోషన్, సస్పెన్స్, ఆధ్యాత్మికత కలగలిసిన పాత్రలో రవితేజ కనిపించనున్నారనే వార్తలు సినిమాపై క్యూరియాసిటీని పెంచుతున్నాయి.
‘ఇరుముడి’కి జీవీ ప్రకాష్ కుమార్ అందించిన సంగీతం కూడా సినిమాకు ప్లస్ పాయింట్గా నిలిచిందని టాక్. ముఖ్యంగా ‘అయ్యప్ప స్వామి ఇరుముడి కట్టు’, ‘మల్లెపూల పల్లకి’ పాటలు ఇప్పటికే ఆసక్తిని పెంచుతున్నాయి. అయితే పాటలతో పాటు సినిమాకు బ్యాక్గ్రౌండ్ స్కోర్ ప్రధాన బలంగా నిలిచిందని సినీ వర్గాల్లో చర్చ జరుగుతోంది. సస్పెన్స్ సన్నివేశాలతో పాటు ఎమోషనల్ సీన్స్ను ఎలివేట్ చేయడంలో నేపథ్య సంగీతం కీలక పాత్ర పోషించిందని సమాచారం.
వరుస పరాజయాల తర్వాత రవితేజకు ‘ఇరుముడి’ కీలకం
గత కొంతకాలంగా వరుస సినిమాల పరాజయాలతో ఇబ్బంది పడుతున్న మాస్ మహారాజా రవితేజకు ‘ఇరుముడి’ విజయం చాలా కీలకంగా మారింది. ఆయన నుంచి అభిమానులు మరో కమర్షియల్ సక్సెస్ను ఆశిస్తున్నారు. మరోవైపు.. రవితేజ ఇమేజ్కు భిన్నమైన కథాంశం, తండ్రి–కూతుళ్ల ఎమోషన్, క్రైమ్ సస్పెన్స్, అయ్యప్ప మాల నేపథ్యంలో పాత్రలో వచ్చే మార్పు, శివ నిర్వాణ టేకింగ్, జీవీ ప్రకాష్ కుమార్ సంగీతం సినిమాకు కలిసొచ్చే అంశాలుగా కనిపిస్తున్నాయి.
Also Read : భారత ధనికులు విదేశాల్లోనే సెటిల్ అవుతారా..?
అయితే ఈ అంశాలన్నీ థియేటర్లలో ప్రేక్షకులను ఏ స్థాయిలో మెప్పిస్తాయనేది సినిమా విడుదల తర్వాతే స్పష్టమవుతుంది. మరి ‘ఇరుముడి’తో మాస్ మహారాజా రవితేజ మళ్లీ సక్సెస్ బాట పడతారా? అన్నది ఇప్పుడు ఆసక్తికరంగా మారింది.