దేశంలో అమీర్ ఖాన్ కి ఉన్న క్రేజ్ ఎలాంటిది మన అందరికీ తెలుసు. విలక్షణ నటుడుగా.. అద్భుతమైన పాత్రలను ఎంచుకుంటూ ప్రజలని రంజింపచేస్తున్నాడు. అమీర్ ఖాన్ సినిమా చేస్తున్నాడు అంటేనే.. అందులో ఏదో ప్రత్యేకత ఉంటుంది అని ప్రజలు అనుకునేలా తన పాత్రలను ఎంచుకుంటున్నాడు. అయితే అమీర్ ఖాన్ తన వ్యక్తిగత విషయాలను ఎప్పుడూ ప్రజల దృష్టికి దూరంగా ఉంచేవాడు. కానీ ఇటీవల అతను తన జీవితంలో ఎదుర్కొన్న అత్యంత కష్టమైన కాలం గురించి ఒక ప్రత్యేకమైన సందర్భంలో ప్రజలతో పంచుకున్నాడు.
ఒక ఇంటర్వ్యూలో మాట్లాడుతూ, రీనా దత్తా తో 2002లో తన వైవాహిక జీవితం ముగిసి విడాకులు తీసుకున్న సమయంలో తనకి జీవితం పై ఆశలు కోల్పోయానని, విడాకులు ప్రకటించిన రోజు రాత్రం మొత్తం ఆపకుండా మద్యం తాగుతూనే ఉన్నానని గుర్తుచేసుకున్నాడు. అది తన జీవితంలో తానూ ఎదుర్కున్న అత్యంత కష్టమైన కాలం అని వెల్లడించారు. అయితే అదే సమయంలో ‘లగాన్’ చిత్రం విడుదల అయ్యి భారీ విజయం సాధించడంతో ప్రజలందరూ తనను ‘మ్యాన్ ఆఫ్ ది ఇయర్’గా ప్రశంసలతో ముంచెత్తడంతో ఏమి చేయాలో అర్ధం కానీ పరిస్థితుల్లో ఉన్నానని, తన పరిస్థితి చూసి తనకే నవ్వు వచ్చేదని పేర్కొన్నాడు. అయితే ఆ విజయాల వెనుక ఎంతో కష్టం దాగి ఉందని గుర్తు చేసాడు.
Also Read : బన్నీ టార్గెట్ వేరే లెవెల్.. మరీ ఈ రేంజ్ లోనా..?
ఇంకా అమీర్ మాట్లాడుతూ, “రీనా మరియు నేను విడిపోయినప్పుడు, నేను ఆ రాత్రి మొత్తం మద్యం తాగుతూ గడిపాను మరియు తరువాతి సంవత్సరంన్నర పాటు, నేను ప్రతిరోజూ తాగుతూనే ఉన్నాను. నేను సరిగ్గా నిద్రపోలేదు. నేను ఎక్కువగా తాగడం వల్ల స్పృహ కోల్పోయేవాడిని. నేను నా జీవితాన్ని ముగించడానికి ప్రయత్నిస్తున్నట్లు నాకు అనిపించింది. నేను ఏ పనిపైనా దృష్టి పెట్టలేకపోయాను, నలుగురిలో కలవలేక పోయాను” అంటూ ఆనాటి క్షణాలను గుర్తు చేసుకున్నారు. అదే సంవత్సరం, ‘లగాన్’ విడుదలై, ఘన విజయం సాధించడంతో వార్తాపత్రికలు నన్ను ‘మ్యాన్ ఆఫ్ ది ఇయర్’ అని పిలిచాయి. అలా పిలిపించుకోవడం నాకు చాలా సిగ్గుగా అనిపించింది అని అమీర్ అన్నారు.
ఇక తన ప్రేమ కధ గురించి గుర్తు చేసుకుంటూ.. తానూ మరియు రీనా పొరుగు ఇళ్లలో నివసించినప్పుడు ప్రేమలో పడ్డామని, తరచుగా వారి కిటికీల గుండా ఒకరినొకరు చూసుకునేవారమని చెప్పారు. ప్రారంభంలో రీనాకు ఆసక్తి లేదు, కానీ చివరికి, ఆమె అతని ప్రతిపాదనను అంగీకరించడంతో వారు రహస్యంగా వివాహం చేసుకున్నారు. ఆమె ఆమిర్ చిత్రం ‘ఖయామత్ సే ఖయామత్ తక్’లో ఒక చిన్న అతిధి పాత్రలో నటించింది. వారి వివాహం దాదాపు 16 సంవత్సరాలు కొనసాగింది. వారికి ఇద్దరు పిల్లలు కూడా ఉన్నారు. వారి పేర్లు జునైద్ మరియు ఇరా. ‘లగాన్’లో కలిసి పనిచేసిన ఒక సంవత్సరం తర్వాత వారి సంబంధం ముగిసింది.
Also Read : కాంతారా ప్రీక్వెల్ రెడీ.. ప్రాణం పెట్టిన రిషబ్ శెట్టి
“రీనా మరియు నేను 16 సంవత్సరాల పాటు వైవాహిక జీవితం గడిపాము. మేము విడిపోవడం మాకు మరియు మా కుటుంబాలకు బాధాకరమైనది. మా శక్తి మేరకు పరిస్థితిని అదుపులో ఉంచుకోవడానికి మేము ప్రయత్నించాము. మేము విడాకులు తీసుకున్నప్పటికీ, మేము ఒకరిపై ఒకరు ప్రేమ మరియు గౌరవాన్ని కోల్పోలేదు.” అన్నారు. రీనా నుండి విడిపోయిన తర్వాత, ఆమిర్ 2005లో దర్శకురాలు కిరణ్ రావును వివాహం చేసుకున్నాడు. వారికి ఆజాద్ అనే కుమారుడు ఉన్నాడు, కానీ 16 సంవత్సరాలు కలిసి ఉన్న తర్వాత 2021లో వారు విడిపోయినట్లు ప్రకటించారు. ప్రస్తుతం, ఆమిర్ రెండు దశాబ్దాలుగా స్నేహితురాలుగా ఉన్న గౌరీ స్ప్రాట్‌తో సంబంధంలో ఉన్నాడు. తన వ్యక్తిగత జీవితంలో మార్పులు ఉన్నప్పటికీ, అతను తన ఇద్దరు మాజీ భార్యలతో బలమైన బంధాన్ని కొనసాగిస్తూ, తన పిల్లలందరినీ పెంచడంలో వారికి పూర్తి సహాయ సహకారాలు అందిస్తున్నాడు.
